ونــــــــــــــــــــاسه؟؟؟؟؟؟

السلام عليكمووووو

كيفكمووووو

اخباركمووووو

عساكم مرتاحينووو>>>لاتفلها :d
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ
ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ ـ



اسأله مال لأمها داعي .. وودك تتوطى ببطن اللي يقولها هههههههه

مثلا ,,

أنت بغرفتك ومنسدح على سريرك .. ومطفي النور ومتلحف بالبطانيه >> أأح يالبرد
ويجيك أحد من أخوانك يفتح الباب
يقولك بتنام؟؟

( لا برقص أجل )

والا وانت كاشخ ولابس ذاك الثوب وذاك الشماغ
ومتوجه لباب الشارع

ما تشوف الا واحد من أهلك ينادي عليك بصوت عالي
>>> بتطلع؟؟

(لا ولله بس أجرب الباب هو زين والا لا )

والا عاد هذي اللي مره
اذا مشغل سيارتك والأنوار ومعشق ريوس وجالس تنتضر نص ساعه
واحد وراك مقفل عليك
ويجيك بكل برود ... بتطلع؟؟

( لا بفحط شوي ... جالس أراقب خشتك أجل )

والا البنت مثلا قاعده بالكليه وقامت من الطاوله بعد ألف سالفه وسالفه يتخللها الحش والضحك

وتروح عند الباب تلبس عباتها
وتجيها وحده ملقوفه من البنات تسألها
فلانه .. بتروحين البيت؟

(لا بصلي بالبنات .. أكيد بروح لبيتنا من زين الكليه عاد .. ستار بكس على غفله)

والا اذا ماسك سماعة التلفون وقاعد تضغط بالأرقام
يجي أحد من أهلك ويقولك .. بتكلم بالتلفون؟؟

(لا بصور معه كم صوره تذكااريه .. أكيد بكلم,, مالت بس)

والا مثلا:- ماسك مذكره أو كتاب وقاعد تحفظ ومتحمس ..
ويجيك أحد يقولك ... قاعد تذاكر؟؟

( لا أفرش أسناني )

أو مثلا تسبح بالمسبح بالاستراحه .. يجي واحد من الشباب يمر عليك
ويقول:- فلان .. تسبح؟

(لا أدغدغ سمكه )


والا تعالوا شوفوا قنواتنا وأسئلتهم البايخه:
مثلا بالعيد جايين يقابلون مع الناس .. شوفوا حواراتهم:-
المذيع: مرحبا عرفنا على أسمك؟
المواطن: فلان الفلاني ,,,,
المذيع: وش تقول لأهلك بالعيد؟؟ّ!!!
المواطن: أقولهم كل عام وانتم بخير ..

(لا منه المال ومنكم العيال)

والأسخف من هالبديهيات اللي تضيع وقتنا أذا قابلوا مع بزارينا ,,
يقول المذيع للبزر: أنت تحب ماما وبابا؟!!

( لا أحبك)
ا
المذيع: أيش تسوي بالعيد؟ أكيد تروح لأهلك تسلم عليهم وتقول لهم كل سنه وانتو طيبين !!

(لا أبروح أكفخهم وأسوي هوشه ... وثانيا انت جاوبت يالطعس)

والا واحد شايل شنطته ومتجه عند بوابة المطار ويشوفه خويه بالصدفه
هلا والله اعلومك اخبارك ... وش تسوي بالمطار؟؟

(لا والله أبد .. جاي أشوف مباراة الأتحاد والأهلي .. أكيد اني مسافر)


ههههههههههه
الله لا يبلاكم بس

وعلى دروب المحبة نلتقي