قصة الجني (قصه مرعبه) هذي القصه أغرب من الخيال حصلت قبل اكثر من خمس سنوات حيث كنت معزوم على الغداء يوم خميس وقررت امشي يوم الاربعاء وانام في مزرعتنا وأحضر المناسبه حركت السيارة من الرياض الساعه الثانيه صباحا ومسكت طريق الخرج وكان الليل مظلم بالحيل لوتمد إيدك ماتشوفها من الظلمه وتعديت التفتيش وكنت افكر في أمور الدنيا وساهي وبعدين سمعت صوت قوي بالسيارة هديت السرعه ولكن الصوت يزيد وقفت على جنب ونزلت وكانت الدنيا ظلمه ماتشوف إلا سواد أخذت أدور الصوت وكانت السياره تشتغل كنت خايف بالحيل المهم إتضح لي ان الكفر الخلفي الأيمن مبنشر احترت أصلح الكفر وإلا أنام بالسياره الموقع يخوف ماتمر سياره إلا بعد ساعه قررت أصلح البنشر وفتحت الشنطه ونزلت العفريته والاستبنه وبديت أرفع السياره كل ما ارتفعت السياره مادري الا وهي نازله قبل أغير الكفر تكررت اكثر من مره ] بعدين تعبت وضاق صدري ولا ادري ويش السبب والخافي اعظم وانا جالس احاول فك الكفر سمعت صوت طفل رضيع يصيح الصوت بجنبي لكني ماشوف شي قمت ادور حولين السياره وداخل السياره ماشفت شي ومن الربكة قفلة على المفاتيح والسياره تشتغل وبعدين سمعت صوت الطفل مره ثانيه يصيح اشد من اول انزعجت من الصوت وشفت شي يلمع في الظلام مهو بعيد توجهت لمه وانا خايف كل ماقربت له يقوى الصوت لكن الشي الي يلمع يبعد مشيت ومشيت ومشيت واذا بغيت ارجع واترك الشي الي يلمع احس انه قريب واني وصلته التفت اناظر سيارتي وكانت بعيده عني حوالي كيلو ماشوف الا الفليشر يأشر فقط من بعدها يوم دريت ان الشي الي يلمع قدامي والمفاجاه انه فعلا طفل رضيع ملفوف بمهاد ابيض ومبتسم يوم شفته المهم انا خفت وتركته وحاولت ارجع للسياره بعدين صاح الطفل ورجعت له ورحمته واعتقدت انه طفل نسوه اهله عقب طلعة بر الغريب اذا شفته يبتسم واذاتركته يصرخ قررت آخذه معي علشان ابحث عن اهله خذيت الطفل وتوجهت الى سيارتي والدنيا مظلمه لكن سيارتي بعيده وانا خايف بالحيل حطيته على صدري ورجليه جهة الارض وأطبطب على ظهره واقول لاتخاف ابغى اوديك لهلك مادريت الا والولد يثقل وانا مشيي يثقل يوم ناظرت الارجلين الولد طالة وبدت تسحب بالارض وهذا الي ثقل المشي يوم تغير وجه الطفل وصار وجه شايب مليان شعر ابيض ولحيه بيضا طويله مخيف المهم حاولة افكه مني لكنه متمسك ويناظرني ويضحك الغريب انه مثل الصلصال كل ماوخره يلصق مره ثانيه قمت ارجفه برجليني واحول ابعده ومن قوت الشيل والحط انا واياه طحة من السرير والحمدلله انه كان حلم ههههههههاي وتذكرت اني ماقريت القرآن قبل ما أنام وهذا كابوس احرصو اخواني الاعزاء على قراءة اية الكرسي قبل النوم والله يحفظكم
الإثنين أبريل 21, 2008 11:42 am
